Les mots surlignés font l'objet d'une note
101 septembre 1571
2Copie de lettre escritte par monsieur de Lessins à monsieur de Gordes
3et par luy receue le premier septembre 1571
4Monsieur, me trouvant ce moyen, je nay voullu faillir à vous faire ce mot pour vous tesmoigner ce que jay aprins depuis mes dernières lettres dont vous diray-je comme
5depuis deux jours, je suis de retour du lieu où jestoys allé pour veoir larmée que
6conduict dom Jehan Dostria, laquelle jay veu deux foys en port ; et à vous dire
7verité, ce nest pas sy grand effect que jeusse estimé et quen estimoyt toute l’Ytallye.
8Le corps de son armée est composé de soixante une gallaire, assavoir dix sept
9gallaires davantgarde, ausquelles commande le seigneur don Chenchio general des
10gallères d’Espagne, vingt deux gallères qui marchent avec luy et douze gallères
11pour son arrièregarde ; et les aultres dix gallées remoquent et font scorte aux
12navyères qui portent les vivres de ladite armée. Jay veu aussy lembarquement de
13six mil tudesques, lesquelz se sont chargez à Lespèces sur les gallères de Secille.
14Ladite armée est venue du long de la coste de Tuscane, jusques à Lyvorne et de
15là, elle sest engoufrée pour passer en Cecille. Hier au soir, je receuz lettres de Venyce
16dung gentilhomme de la Seigneurie mon amy, lequel me faisoit entendre que le Turc, après avoir bruslé et sacagé lisle del Zente, sest aproché dix mil près Colfou
17et est à Laxou. Celle des Venitiens est au Trente. Lon ne scait si larmée
18des vénitiens prendra la routte de la Poille, ou si elle viendra en Selgoulfe.
19A Cara se sont descouvert le XXe de ce moys grand nombre de cavalerie
20courant jusques aux portes, et le marquis de Rangon, lon luy dressa une
21scaramouche avec troys cens arquebusiers, mais il ne leur sceust faire beaucoup
22de mal pour la grand force que y estoyt. La Seigneurie de Venise a, depuis mon partement dudit lieu, créé ung general de vingt cinq gallères pour la garde de leur golfe et
23jeudy dernier feirent une grande parade bannières en leur place de St-Marc,
24[v] par laquelle marchoyt ledit general porté par deux hommes en une chaise et ensuyvis
25de vingt cinq cappitaines de leursdites gallères, tous vestuz de robbes rouges, en fin ce
26nest que piafe et le Turc ne pert le temps ce pendant. Voyla ce que je puys vous
27escrire sur les nouvelles qui se passent de par deça. Il me reste vous dire comme je
28parts demain pour men aller à Pize et à Sienne dont jespère estre de retour
29dans huict ou dix jours pour le plus tard quest le mesme temps que monseigneur
30de Nevers veult partir pour prendre la routte de ses gallères, et tiens quil
31sera bien tost en France. Je vous envoye ung bando lequel a esté faict
32à Rome en desdain et sur la longueur de dom Jehan d’Ostria. Et pour navoir
33autre chose de merite que ce que dessus, je vous baise très humblement les mains et
34supplie le Createur vous donner
35monsieur, en très parfaicte santé heureuse et longue vie. Des baings
36de Lucques, le IX de aoust 1571
37Votre très humble et très obeissant à vous faire service Ane Maugeron